zazaki.net
25 Teşrîne 2017 Şeme
Girdîya Karakteran : 12 Punto 14 Punto 16 Punto 18 Punto
01 Tebaxe 2009 Şeme 09:01

Wisif Hêlinij

[Bîyografî]
Zazakî.NET

Wisif Hêlinij (Kaymak) 03.12.1954 dewa Pîranî Qelbîn de dadîya xo ra bi. Gedeyîya (domanîya) ey, a dewe de vîyarte. Panc serrî mektebo verên Qelbîn de wend. Dima, seba ke îmkanê keyeyê înan çin bî, o nêşawitbi mekteb. Ey, xo vero da piro şi medreseyanê cîya-cîyayanê Kurdîstanî de wend. Girewtişê îcazeyê (dîplomaya) medrese dima, reyna xo vero şi paytextê Sûrîye, Şam. Uca lîse qedêna. Lîse ra pey şi Misir, Unîversîteya El-Ezherî de, qisimê rojnamegerî (gazetecilik) qedêna. Qahîre ra şi Parîs û tezê xo yew unîversîteya Parîsî de nuşt. Wisifî zaf baş bi erebkî û franskî zanaynî.

Dima mîyanê Grûba Xebate ya Vateyî de ca girewt û beşdarê 11 kombîyayîşan bi. Çend nuşteyê ey zî kovara Vateyî de weşanîyayî. Wisif Hêlinij hema emrê xoyê ciwanî de paytextê Fransa Parîs de roja 16.10.2008 de netîceyê qezayêkê trafîkî de dinyaya xo bedilna. Cinazaya ey roja 23.10.2008 de dewa ey Qelbîn de defn bîye.  

 

474

Wisif Hêlinij (03.12.1954 - 16.10.2008)

 

WISIFO

Pîla pîlan a ke vanî na bî
Ti yê mergî nêbî
Ti Xizirê roja tenge
Ganfîdayê roja sîyaye bî

Raşt a, ma bêbextîyê felekî zaf dîyî
La na
Na qet nêbî birako!
Qey leza mergî bî?

Malmîsanij, Swêd, 16.10.2008

486

487

488

489

490

491

 

492

493

494

 

585

 

w.hêlinij--r.lezgîn.jpg

Na xebere 5414 rey wanîyaya
No nuşte hema şîrove nêbîyo.