zazaki.net
20 Tebaxe 2017 Yewşeme
Girdîya Karakteran : 12 Punto 14 Punto 16 Punto 18 Punto
29 Tebaxe 2012 Çarşeme 13:50

Sînayîşo Nêmcet

Rohelat Aktulum

Ez nê çend rojan de ma ano xo vîr. Ma senî yewbînan nas kerd, senî ciwîyayî, senî yewbînan ra hes kerd û senî yewbînan caverda. Bi rastî wexto ke mi ti dîya qelbê mi, mi ra va aye ra hes bike. Çi weş bî to naskerdiş, to sînayîş û to reyde ciwîyayîş. Wexto ke ez to reyde bîyêne ez hende zerrweş bîyêne ke… To sînayîş, to ra ewnîyayîş, destê to tepiştiş, to reyde huyayîş ez hende zerrweş kerdêne ke…

Nika ez ewnîyeno dorûverê xo ra ti çinî ya. Ez bêrîya ê rojanê xo yê ke ez zerrweş bîyêne, keno. Ti ez caverdaya la ez hema zî to ra hes keno û no heskerdiş qet nêqedîyeno, bawer bike. Ez to ra tim hes keno. Ez nika seyek o, ez nika bêkes o, ez nika bêwayîr o la ez çend tena bibo zî sînayîşê to mi tena nêverdeno. Ez key vajo ez tena yo cayê ra sînayîş vejîyeno. Vano:

-A hema to ra hes kena, ti tena nîyî.

La çend wina vajo zî no sînayîş nêmcet mendo.*

__________

* No nuşte “Newepel, Rojnameyo kulturî yo 15 roje, Hûmare 30, Dîyarbekir, 01-15 hezîrane 2012, r. 5” de weşanîyayo.

Na xebere 1499 rey wanîyaya
No nuşte hema şîrove nêbîyo.