zazaki.net
23 Oktobre 2017 Dişeme
Girdîya Karakteran : 12 Punto 14 Punto 16 Punto 18 Punto
14 Êlule 2017 Panşeme 11:54

SELÎMO LAWO YARÎ YA

Arêkerdox: Roşan Lezgîn
Mintiqa: Licê

Hew' yarî ya, yarî ya

Selîmo lawo yarî ya

Hew' yarî ya, yarî ya

Selo Selo yarî ya

 

Hewa derga barî ya

Selîmo lawo yarî ya

Hewa derga barî ya

Selo Selo yarî ya

 

Qaymê Bawon ra şîya

Selîmo lawo yarî ya

Qaymê Bawon ra şîya

Selo Selo yarî ya

 

Beşnê Hewe barî ya

Selîmo lawo yarî ya

Beşnê Hewe barî ya

Selo Selo yarî ya

 

Hem derg a hem barî ya

Selîmo lawo yarî ya

Hem derg a hem barî ya

Selo Selo yarî ya

 

Selîm lajê Derwêşî

Selîmo lawo yarî ya

Selîm lajê Derwêşî

Selo Selo yarî ya

 

Keynê kirdon çi weş î

Selîmo lawo yarî ya

Keynê kirdon çi weş î

Selo Selo yarî ya

 

Manên viley zeveşî

Selîmo lawo yarî ya

Manên viley zeveşî

Selo Selo yarî ya


YASAL UYARI: www.zazaki.net kaynağında yayınlanmış herhangi bir haber, yazı veya fotoğrafın site editöründen izin alınmadan olduğu gibi kopyalanarak ya da üzerinde çeşitli oynamalar yapılarak herhangi bir yerde yayınlanması; farklı çalışmalarda alıntı olarak kullanmak amacıyla cümle veya paragrafların kopyalanmasında ise standart bir şekilde kaynak belirtilmemesi durumunda hukuki süreç başlatılacaktır!


Na xebere 707 rey wanîyaya
ŞÎROVEYÎ
Azadî
Zana
Merhaba
Na deyîr yê Licê nîya. Deyîre Darahênê ya. Darahênê de yê dewa Bawonî ya. Xora deyîrî de nuşte yo. Roşan Lezgîn sey deyîra Licê nuşta raşt nîya. Reyna deyîrî de "Keyna Mîrê Bawonî" ya zî esta. Roşanî a qisim nênuşta. Eynî deyîr Qilebanê Şirnexî de Kurmancî yena vatiş. La Qilabanî de nîmeyê Êşîra Goyanî verê cû Kirdkî(Zazakî) qiseykerdêne. Nika pêronê înan Kurmancî qiseykenî. La kîtabe tarîx yê Mehmet Zekî de yeno nuştiş ke nîmeyê Êşîre Goyanî eslê xo de kirdkî qisey kenî. Xora yew wexto ke ewnêna nameyê Dewe Qilebanî nameyê Kirdkî(Zazakî) zêdeyîrê. Nimûne, Darahênê, Osyan, Diryan, Awyan, Mijin, Pîran , Hiryan nameyê hina pêronê înan Kirdkî yane Zazakîyê. Kurmancî nîyê. Na deyîr dima ra bîya kurmancî. Giranî zî Qileban de yena vatiş
__________
Zana
Ena deyîre mintiqaya Licê de vajîyena.
Mi fekê şarê ke hetê îdarî ra dewê înan Licê ser o yê ra arêdaya, coka mi vato "mintiqa: Licê".
Mi fekê çend kesan ra arêdaye ke her yew dewêk ra bî: Barave, Hendîv, Hesîg, Mizage û Pêçar ra bî.
Enê dewî zî heme yê Licê yê. Coka eno versîyon, versîyonê mintiqaya Licê yo.
Deyîre de dewa "Bawon" ke vîyarena, hetê îdarî ra nika Dara Hênî ser o ya.
La nê dewê ke mi nameyê înan va, û dewa Bawon yewbînan ra dûrî nîyê, eynî mintiqa de yê. Mabeynê Dara Hênî û Licê de yê. Ez nêzana şarê Dara Hênî hema zî ena deyîre vano yan ney la mintiqaya Licê de, hetê Kirdaneyî de hema zî vanê.
Çend serrî verê cû mi çend rêzî arêdaybî, la emser tesadufen mi ê parçeyê bînî zî arêdayî.
Hetanî nika mi nêdîyo kesî ena deyîre bi eno qayde temam arêdaya yan zî vata. Ena reya verên a ke winî temam ameye arêdayiş.
Zana, ti vanê "Reyna deyîrî de 'Keyna Mîrê Bawonî' ya zî esta."
Feqet mi bi eno qayde yew misra nêeşnawite. Ancî Pêçar de mîreyî estbîyê, la mi nêeşnawito Bawon de mîreyî estbîyê.
Coka mi rê zaf zî sehîh nêameye.

Roşan Lezgîn
18 Êlule 2017 Dişeme 03:02
merax kena..
zaza pasur
ma bi xeyr di mamoste...gelo çira kovaa şewçıla edi çap nebeno....sılamane xo şirawena
_____________
Ez bi samîmîyet vajî ke zaf sebebê xwu estê;
Ez ewilî hetê motîvasyonî ra qal bikerî. Çimkî her çî bi motîvasyon beno. Ez her kesî motîve kena ke binuso, la kes nêfikirîyeno ke îhtîyacîya mi zî bi motîvasyon esta!
Gama ke mi dosyaya Şewçila-15 amade kerdêne, o wext yew musabeqa îlan bîye, tayê kesan tima kerde, şîîr û nuşteyê xwu ke seba Şewçila şawitbî, apey waştî, va, "Ma musabeqa rê şawenê." Eno hereketê ê merdiman weş nêbi! Hetê motîvasyonî ra moral û motîvasyonê mi kerd sist.
Ancî, zaf kesî estê, Şewçila de dest bi edebîyat kerd, dima kitabê înan vejîyayî, la keda mi înkar kerde. Helbet naye zî keyfê mi şikit; motîvasyonê mi bineyna bi sist. Çimkî ez winî fikirîyaya: mi va, ez seba înan hende kede dana, ez cewê înan kena genim, benê nuştox, benê wayîrê kitabî, benê edîb la senî ke eserê înan vejîyenê, keda mi bin ra înkar bena şina.
Heto bîn ra, ê 14 hûmaranê Şewçila de hetê madî ra destekê mi estbi, mi bi o destek epey kitabî zî çap kerdî. Feqet îmkanê mi bi sînor bî, qedîyayî.
Hetê rotişî ra, Şewçila ra tu çîyêk apey nêame ke. Yanî bi pereyê ê wextî, ma her hûmare Şewçila rê 1000 dolar mesref kerdêne, la 100 tl pere zî ci ra apey nêameyêne.
Helbet nê hetî ra zî motîvasyonê merdimî epey şikîyeno. Arêye bê awe geyreno? Ney!
La ancî zî nika mi dosyaya Şewçila-15 amade kerda, ha amade ya. Labelê seke mi va, hem hetê madî ra îmkanê mi qedîyayê, ez nêeşkena çap bikerî, hem zî hetê wext û enerjîya şexsî ra merdim her wext eynî nîyo ke. Ez se bikerî se nêkerî?
15 Êlule 2017 Îne 12:53