zazaki.net
25 Nîsane 2018 Çarşeme
Girdîya Karakteran : 12 Punto 14 Punto 16 Punto 18 Punto
22 Kanûne 2017 Îne 13:40

ROJA PEYÊNE

Mehmed Emen

Eyro roja min a peyên a.

To dî!

Qedehê mi di çay nîme de mende.

Kincê ke mi ci ra tewr zaf heskerdêne

Qundereyê ke ez qemîş nêbîne bikerî pay

Bêwahîr mendî, to dî!

Bi embazan ma plan kerdbi vizêr

Nika ez nêşkena şêrî!

Nimajê tayştereyî yan yere di

Hewa nîyena cinaza mi ecêb?

Mêriko ke şino binê herrî,

Ez rolê ci kay kena yan nê?

Baş o.

La eno merg ça ra vejîya nika?

Oxro ke ez hema hedre nêbiya

Hema cayê mi estibi ez şêrî

Hema rojê mi estibî ez bivînî

Qijê mi estê ez pîl bikerî

Eno merg ça ra vejîya nika?

Nika milet zi narehet beno

Ez bîlaheq şarî kar û gure ra kena

Hewa serd o, puk, zimistan…

Sere û çimê miletî bîlaheq çamur benê.

Hewa peyêne mi qijê xwu verard bikerdêne werrekna

Yew lew binayne keynayê xwu ya qîteke wa.

Mi bivatêne ez to ra heskena

Cênîyê xwu ra yew hewe.

Hergu roj des ray mi eşnawitêne

Mi ça ra zanayne

Yew sela zî seba mi wanîyena?

A roje eyro ya ne!

Oxro ke ez qet hedre niya

Ça ra vejîya eno merg nika?

Na xebere 895 rey wanîyaya
No nuşte hema şîrove nêbîyo.