zazaki.net
25 Êlule 2018 Sêşeme
Girdîya Karakteran : 12 Punto 14 Punto 16 Punto 18 Punto
05 Gulane 2018 Şeme 15:54

Melayî Nêdanê, Gênê!

Roşan Lezgîn

Ap Husê Keyê Hesan, lacê ci yo pîl Zeynar û Mela Elî pîya şinê Diyarbekir, kar-marê xwu qedênenê, roja bîne ageyrenê bi dewe. Vereşanêk resenê verê çemê binê dewe. Xwu şemirnenê, danê awe ro.

Wesar o, vartî û varişî dir koyan ra vewre helîyaya, çem biyo pir, bi xulexul herikîyeno. Awe mîyane ra vîyarena.

Ap Hus û lacê ci Zeynar seba ke tim xebitîyenê, canê înan şenik o, xwu awe ra xelisnenê. La Mela Elî tim weno û nişeno ro, vêre kerdo xişin, nêeşkeno xwu çem ra bixelisno. Se keno nêkeno, awe ey beno. Hewar keno, vano:

- Hewaro! Awe ez berda, mi bixelisnê…

Zeynar hetê melayî ser şino, destê xwu keno derg, vano:

- Seyda destê xwu bide. Seyda destê xwu bide...

La eyb o eyb! Mela Elî hetêk ra hewar keno vano “mi bixelisnê” la destê xwu nêdano.

Ap Hus zî awe ra vejîyayo, qeraxê çemî ra înan temaşe keno. Ewnêno ke Mela Elî destê xwu nêdano, veng dano lacê xwu vano:

- Law Zeyno mevace destê xwu bide, vace destê mi bigêre. Ti nêzanê, melayî caran çîyêk nêdanê, tim gênê, tim gênê! Vace destê mi bigêre.

Zeynar vano:

- Seyda, destê mi bigêre, destê mi bigêre!...

Hema Mela Elî destê Zeynarî gêno, awe ra xelisîyeno.

Na xebere 853 rey wanîyaya
ŞÎROVEYÎ
cihangir
bazid
mi vatene ez melayan senî rexne bikerî. nuştîyeka zaf delalîya mamosta Roşan linga to siya nekuyo, engişta to telîya nekuyo
13 Êlule 2018 Panşeme 01:52
Celal
Celal
:) dest tenîya bo rindo, kes destî dano qol zî paya şino
06 Gulane 2018 Yewşeme 17:27