zazaki.net
24 Teşrîne 2017 Îne
Girdîya Karakteran : 12 Punto 14 Punto 16 Punto 18 Punto
01 Tebaxe 2009 Şeme 07:10

Mela Cimayo Babij

[Bîyografî]
Zazakî.NET

Mela Cimayo Babij (Cuma Özusan) serra 1946 de sûka Sêwregi de ameyo dinya. Eşîra Babijan ra, keyê Osan ra yo. Pancserrîya xo de dest bi wendişê Quranî kerd. Sifte verê Mela Xalitî de, dima Fikrî Xocayî het derse girewte. Îmamê Sulu Camî Mela Remezanî ra dersa erebkî girewte. Mektebê sifteyên û mîyanênî Sêwregi de wendî. Dima Îstanbul de Kolejê Tenduristîye (Sağlık Koleji) yê Haydarpaşayî wend. Teber ra lîseya Îmam-Xetîbî ra mezûn bi û dest bi îmamîye kerd. Çehar serrî û nêm Hîlwan û Sêwregi de îmamîye kerde. Dima dest bi wezîfeyê memurîya tenduristîye (sağlık memurluğu) kerd. Gama ke nê wezîfeyî de bi, teber ra Unîversîteya Anadolî de lîsanso verên (ön lisans) wend. 1982 ra nat Bursa de ronişeno. Erebkî û franskî fehm keno. Pîyê çehar qeçekan o. Derheqê hîkmetê heyatî de bi ziwanê tirkî nuşteyê ey estê la hetanî nika nêweşanîyayê.

Kitabê ey Sîyerê Nebî ke bi nezm cuya pêxamberê dînî îslamî nuşta, 2009 de Weşanxaneyê Nûbiharî ra weşanîya. 

Resmê qapaxê kitabê Mela Cimayê Babijî:

 

sîyerê-nebî.jpg

 

Milla Cimayo Babij, Sîyerê Nebî, Weşanxaneya Nûbiharê, Îstanbul 2009, 104 rîpelî

 

Na xebere 3517 rey wanîyaya
No nuşte hema şîrove nêbîyo.