zazaki.net
20 Oktobre 2017 Îne
Girdîya Karakteran : 12 Punto 14 Punto 16 Punto 18 Punto
24 Hezîrane 2012 Yewşeme 14:37

Mehê Babayî û Hingimîn

Nusret Uzel

Dewa ma ra besta yew mezra esta. Nameyê aye Pazware [Payîzware] yo. Xal Mehmed na mezra ra yo. Ey ra Mehê Babayî zî vajîyayêne.

Xal Mehmed hetê dîn û îbadetî ra tikêk sist bi. Çi kesî nimajkerdiş û rojetepiştişê ey nêdîbi.

Ancî yew aşma rojeyî bî. Mehê Babayî dano piro şono bindê Pazwareyî. Dewaranê xo çirêyneno. Nor-dora xo ra ewnêno, eke yew şela ra hingî vejînê. Texmîn keno ke inca de engemî esto. Vengda cînêkda xo dano. (Nameyê cînêka ey Hewa bî.) Qîyreno, vano:

- Hewêêêêê! Yew birrik û yew-di firaqan mi rê bigîre bîya.

Hewe, çîyê ke ey waştê, gêna ey rê bena. O dest pêkeno şela birneno. Engemîn vejeno. Dekeno firaqan û pirr keno. Zaf keyfê ey yeno. Xo ra cor ewnêno asmênî ra. Yew çimê xo qiloçneno û Homayî ra vano:

- Ana haa!... In hewa camêrd be. Ti bide Mehî. Veyne Meh senî rojeyê xo bigîro.*

______

* No nuşte “Newepel, Rojnameyo kulturî yo 15 roje, Hûmare 27, Dîyarbekir, 16-30 nîsane 2012, r. 6” de weşanîyayo.

Na xebere 1484 rey wanîyaya
No nuşte hema şîrove nêbîyo.