Hîn Cenet ra Nêvejîyeno

Merdimêk mireno. Lajê merdimî wazeno pîyê xo  rê xeyrê bikero. Laj, persê melayî keno, gêreno, dima keyeyê melayî museno.

Rojêk teştare ra pey lajek şino keyeyê melayî. Vano,  mela pîyê mi merdo. Ez wazena ey rê xeyr bikerî, ti ey rê Quran biwane ke o şîyero cenet. Eke şîyero cenet ez zaf peran dana to. Eke nêşîyero, nêdana.

Mela vano temam. Ez ey rê Quran biwanî, o şino cenet.

Mela Quran waneno, dima peranê xo gêno. Biney fikirîyeno, vano, qirbû mi hetê xo ra Quran wend, labelê şîyayîşê cennetî Homa zano, ma çew nêzanî.

Lajek vano, ney, to mi ra va o şino cenet. Pîyê mi zaf înad o, eke yew hewe lingê xo eşte cenet hîn cenet ra nêvejîyeno.-

_______________

* Na fiqra “Newepel, Rojnameyo kulturî yo 15 roje, Hûmare 23, Dîyarbekir 16-29 sibate 2012, r. 6” de weşanîyaya.