Dengbêj Mehemed Emînî ra 4 Kilamê Kirdkî

 Ma ena rey dengbêj Mehmed Emînî ra çar kilamî arêdayî. Enê kilamî ey bi xwu viraştê. Nameyê dengbêj Mehmed Emînî qeydê dewlete de “Mehmet Emin Bakan” o. Nehîyeya Mûşî Ziyaret ra yo, qeydê nifûsî de seke 1965 de ameyo dinya aseno la eslê xwu de 1962 de ameyo dinya. Dengbêj Mehmed Emîn bi xwu kurmanc o, la warzayê kirdan o. Dadîya ey Qerebegan ra ya.

I

Ax herî lê lê lê hey kênekê…

Ax herî lê lê lê hey kênekê…

Lê delalê mi va ti bej-barî, çimsîyayê

Lê lê lê çimbelekê, way…

Lê delalê bejna barî çiqas weş a

Welley manena zey zareca per bi nexş a

Lê delalê weley eşqê ti ver lê ez nîweş a

Ax herî lê lê lê hey kênekê…

Lê delalê, bejna barî lê nîyen vatiş

Werrika bejna barî li çarşîyê Çolîg biomên rotiş

Mi xwu r’ tede bidên bi xilê zerda, birrê lê mîşna ditiş

Ax herî lê lê lê hey kênekê…

Lê delalê ti zerê m’ kerda meskên kul û derdan

Ez hêvî kena Xaliq cuerîn lê Şahê Merdan

Bejna barî biomyê rotiş, mi xwu r’ tede bidên birrê mîşnan, lê kûpê zerdan

Ax herî lê lê lê hey kênekê…

Lê delalê aşmê ma vecîyawa lê aşma newe

Weley roşin dawo bejna barî lê, çiman kewe

Werrikê ti mi r’ bibên vêwa teze, ez tu îr bibên lê zamaw newe

Ax herî lê lê lê hey kênekê…

Lê delalê mi va ti bej-barî, çim siyayê

Lê lê lê çim belekê, way…

II

Ax delal delal delal… ti delalê min a, eyyy…

Delal heyra mi xwu r’ baxçêk romito lê li qarşî kîyan

Weley mi xwu r’ awdawo pê hasiranî çiman; çimsiyayan

Mi xwu r’ pê destan delalê dilê xwu gureto ma şî miyan

Ma miyan di kotî kêf, henek û yarîyan

Lê zalimê, ti şan ra nat ez kişta bi awîr çiman lê bi nazîyan

Delal delal delal… ti delalê min a, eyyy…

Delal heyra mi xwu r’ baxçêk romito lê baxçê zebeşan

Wele mi xwu r’ awdawa pê hasiranî çiman; çavreşan

Ez û delalê dilê xwu ma şî miyan sarê wesar, şewê reşan

Ma kowtî kêf henekan, heta vêng malê sibê kowt mi gueşan

Mi bejna barî delalê xwu r’ viraştib zê çîçekê vêr sarê nîweşan

Delal delal delal… ti delalê min a, eyyy…

Delal heyra mi xwu r’ baxçêk romito lê baxçê gulan

Wele mi xwu r’ awdawa pê hasiranî çiman; biyê dilan

Ez û delalê dilê xwu ma şî miyan sarê wesar, aşmê gulan

Mi xwu r’ pê destan delalê dilê xwu gureto lê ez kowta milan

Lê zalimê ti şan ra nat ez kişta bi awîr çiman, bi derd û kulan

Delal delal delal… ti delalê min a, eyyy…

III

Ax eman eman eman… lo wey laceko

Lo laceko ez sêr sibê nat qê ti vinderta li vêr pencera, mi xwu dawo miyan berî

Mi bejna barî tu r’ viraşta zê çîçekê li vêr derî

Weley zerrê mi qê ti vêşena zê birîna soli dekerî

Mi delalê zerîya xwu nêdîyo hesir mi xwu r’ yenî zê laserî

Ax eman eman eman… lo wey laceko…

Lê delalê mi va weleê qê ti ez nîweş a, ez mirena

E ruej bi ruej xirabyêr a, e zê mûma tavistî xwu r’ hêlyena

Lê zalimê qê ti nîweş a, çi ra ti nîyena li halê mi nîpersena

Ax delalê e nîzana ti komî ra nîftana, kom ra tersena

Ax eman eman eman… wey delalê…

Lo laceko mi va bejnê mina barî tu r’ manena zê suêrgulê lê deştê Mûşî

Weley zerê mi gama bîne ra nat xwu r’ vêşena qêdê pûşî

Lo zalimo weley ti şan ra nat yow lehza mi vîr ra nîşî

Weley e tersê dadê xwu ra nîftana biyer hal ti pers kerî, lahzek ti het rûşî

Ax eman eman eman… lo wey laceko…

Lê delalê mi va weley bejna barî manena zê gul û çîçekê wesarî

Xwu rê kewi kena li sarê kûyan lê li vêr zinarî

Weley ez nîweş a qê çiman siya lê bejna barî

Senî tersê dadê xwu ra nîftana biyer, lahzeyek mi hêt vinder ez xwu r’ hewîyê xwu pê biyarî

Ax eman eman eman… lê wey delalê…

IV

Ay wî delal… wî delal… wî delal…

Wî delal… wî delal… wî delal lê ez nîweş a, eyyy…

Delal heyran wele e nîweş a, nîweşê lê miyan cayan a

Delal qirban wele ez nîweş a, nîweşî lê miyan cayan a

De zerrê mi alew gureta, xwu r’ vêşena

Ti awê Murad pê dekerî wenik nîben, nîben hown a

Delal heyran ti şinî welato xerîb, ti mendîlê xwu mi r’ verdî

Ez xwu r’ hewîyê lê xwu pê ona…

Wî delal… wî delal… wî delal…

Wî delal… wî delal… wî delal lê ez nîweş a, eyyy…

Delal heyran ti şî welato xerîb, ez xwu r’ tena lê menda l’ tîya

Delal qirban ti şî welato xerîb, ez xwu r’ tena lê menda l’ tîya

Werrikên ez xwu bibê teyrêkê qereqûşî lo teyro siya

Ez ê şewê nîmê şew li welato xerîb, li ver sarê delalîkê zerrê xwu lê bibên peya…

Ax wî delal… wî delal… wî delal…

Wî delal… wî delal… wî delal lê ez nîweş a, eyyy…

Delal heyran ez xwu erzana vêr bextê teyran û tirûdan lo teyrê bazî

Delal qirban ez xwu erzana vêr bextê teyran û tirûdan û teyrê bazî

Ezê vana têro ez ê bi ti kêr ti bi Homê kerî, ti şiyêr halûnê xwu li qarişê kêy delalîkê zerrê lê mi virazî

Ti her ruec her ruec, her sêr sibanî te ra xeberekê biyarî qê min evdalî, lê bêmirazî

Ax wî delal… wî delal… wî delal…

Wî delal… wî delal… wî delal lê ez nîweş a, eyyy…

Delal heyran ez xwu erzana vêr bextê teyran û tirûdan lo teyrê narî

Delal qirban ez xwu erzana vêr bextê teyran û tirûdan û teyrê narî

Ezê vana teyro ez ê bi ti kêr ti bi Homê kerî, ti şiyer halûnê xwu li qarşî kêy delalîkê zerrê mi virazî lê li sêr darî

Ti her ruec her ruec, her sêr sibanî te ra xeberekê xêrê lê mi r’ biyarî

Ax wî delal… wî delal… wî delal…

Wî delal… wî delal… wî delal lê ez nîweş a, eyyy…