zazaki.net
20 Tebaxe 2017 Yewşeme
Girdîya Karakteran : 12 Punto 14 Punto 16 Punto 18 Punto
24 Çele 2010 Yewşeme 10:55

Cuya Bê To

[Şîîre]
Îsmaîl Guven

Roja ke ti şina,

Varanêko sivik

Vayêko honik

Wa rîyî mi ro do,

Binî kilandêsanî mekteban de

Sey rojanî verînan.

 

Ti ke şîya

Ez pê se bikî binî daran,

Ez pê se bikî

Varanî ver de hîbîyayîş

Û antişî cixara?

Ti ke şîya,

Mi rê çi nustiş,

Mi rê çi abîyayîşî mektebî,

Ez pê se bikî

Binî kilandêsan?…

 

Ez pê se bikî

Mîlçikanî vêşanan,

Seba çi bigêrî zere?

Ti ke şîya

Kop nêkena êdî kozvilikan

Xeyalî înan ra, mi rê çi,

Mi rê çi wisar?

Ti ke şîya

Mi rê çi nuştiş

Mi rê çi abîyayîşî mektebî?

 

Na xebere 1901 rey wanîyaya
No nuşte hema şîrove nêbîyo.