Alî Aydin Çîçek

Alî Aydin Çîçek 1984 de Gimgim de ameyo dinya. Hetanî lîse Gimgim de wendo. Unîversîteyê Duzce de qeydê xo viraşta labelê seba ke şîyayîşê bi eskerîye heqê xo yê “Redê Wijdanî” kar ardo, coka heqê wendişî dest ra ameyo girewtene.

Alî Aydin Çîçek 2008 ra nat Îstanbul de ciwîyeno. Gama ke dezgeyê UNESCOyî derheqê rewşa vindîbîyayîşê lehçeya zazakî de rapor vila keno, o zî keweno binê tesîrê nê raporî, Enstîtuya Kurdî ya Îstanbulî û Weşanxaneyê Vateyî de verî derse gêno, dima o bi xo dersa ziwanî dano.  

Hîkaya ey a bi sernameyê “Xêx”î 2009 de musabeqaya hîkaye û şîîran a des û hewtine ya Huseyîn Çelebî de xelata dîyîne gêna. Dima, musabeqaya fiqrayan ke keyepelê Zazakî.Netî organîze kerde, fiqraya ey a bi sernameyê “Şima Teskere Nêdanê, Dewlete Dana” xelata yewine gêna. Hewna, 2010 de, musabeqaya hîkayan a Abdullah Duranî de yew hîkaya ey xelata mansîyonî gêna. Û musabeqaya hîkaye û şîîran a des û heştine ya Huseyîn Çelebî de zî şîîra ey “Xatie” xelata yewine gêna.

Teberik, kitbê ey o verên o.

Alî Aydin Çîçek

Alî Aydin Çîçek, Teberik, Weşanxaneyê Vateyî, Îstanbul, 2010, 96 rîpelî