zazaki.net
19 Adare 2024 Sêşeme
Girdîya Karakteran : 12 Punto 14 Punto 16 Punto 18 Punto
14 Teşrîne 2018 Çarşeme 22:07

Badê Bermekîyan Nalîya Şaîrêk

Îsmet Bor

Dewleta Ebasîyan badê ke resena dewrê xwu yê tewr xurtî, demê seltenetê Harûn Reşîdî de, fermanê Bermekîyanê ke estûnê îqtîdarê înan bî vejena. Bermekîyan qir kenê. Hem Bermekîyan qir kenê, hem zî ferman vejenê ke derheqê înan de kes qisey nêkero. Kam ke Bermekîyan ser o kilame, şiîre yan başî ser çiyêk vajo ceza kenê. La şarî Bermekîyan ra hende hes kerdo, goş nêdayo qedexe û cezayê xelîfe Harûn Reşîdî. Mesela, qirkerdişê Bermekîyan ser o şaîrêk o wext dejê xwu bi şiîre îfade kerdo. Ena şiîre bi seserran ameya vatiş. Dima, erebkî ra tadîyaya almankî û kitabê “Rosa Klinke, Der Saenger Der Barmekiden, Aehren Verlag Affolten a. A. 1955 r. 37” de weşanîyaya. Mi almankî ra tada kirdkî ser:

Estareyê esaletî bi vindî şi

Destê ke xêr kerdêne peysîya

Deryayê desthîrayî xwu peyser ant

Wexto ke Bermekî ena dinya ra şî

Estareyo ke çolistano xir û xalî de

Serkarwanî rê rêberî kerdêne

Êdî bi aramî nêberiqîyeno ufûq de

siire.jpg

_____

Not: Seba rastkerdişê metnî û şiîre, ez Roşan Lezgîn û Mahîr Doganî rê sipas kena.

Na xebere 2169 rey wanîyaya
ŞÎROVEYÎ
Şarik Şiwûn
Îsmet Bor
Kek Elî, merhaba. Ez hêvî kena ti baş e!
Keko ez a to rê yew efsaneyê Şarik Şiwûnî şawena. No efsane kitabê " Mesel Û Vistonikî" de neşirîyayo. Yew efsaneyê Şarik Şiwûnî zî Wehdet Siwanijî nuşto. Ti eşkene Zazakî.net de şîyere sere sernuşteye " Edebîyatî" û tede bigêrî. Ez bawer kena Wehdetî no efsane 2001 de nuşto.
Zaf selamî rind biewnî xo.
ŞARİK ŞİWÛN Û HZ. MUSA
Ruejêk Hezretî Mûsa reyarê Tûrî Sîna de yo, ûnîyeno Şarik Şi-
wûnî secadê xwu eşto sêr awê royê Tîgrîsî û nimaj keno. Wexto gi

nîyetê xwu ano, nîyetê xwu bi serê estirîyanê beranê xwu ya ûno
û vûno “Şarik Şiwûn, estirî berûnî, Ellawû ekber!”
Hezretî Mûsa vûno “Nîyet îna nêbeno, ti gera sêr nûmê Elayî
ya nîyet bikerî.“
Şarik Şiwûn sêr nûmê Elayî ya nîyêt xwu ûno, ina rey secadeyê
yi sêr awê Tîgrîsî ya nêvindeno şino war.
Hezretî Mûsa şino Tûrî Sîna, Homayî de xeberdayişê xwu keno
û qedîneno. Badînê Homayî ra vûno “Ya Rebî! To ra her çî eyan o.
Mi eyr hîkmetêk dî. Mi dî, Şarik Şiwûnî secadê xwu eştbi sêr awê

royê Tîgrîsî û nimaj xwu kerdên. Nîyêt xwu zî serê estirîyanê be-
ranê xwu ya ardên. Mi yi ra va, nîyet sey tui nîyo, ti gera sêr nûmê

Elayî ya nîyetê xwu bîyar. Yi sêr nûmê tui ya nîyêt xwu ard, lakim
ina rey secadê yi sêr awê royê Tîgrîsî ya nêvindert, aw ir şi war.
Ina çi hîkmet a?“ Homa Teala vano “Îbadet bênateyê min û qûlê
min do. Şarik Şiwûnî îna bawer kerdo, îna îbadêt xwu keno. Ti şî yi
ra vaj, wa reyna sey vêrî yanî wa sey xwu îbadêt xwu bikero.“
Hezretî Mûsa agêreno şino vêr Şarik Şiwûnî vûno “Ya howlê
Homayî, ti reyna sey verî îbadetê xwu biker. Nîyetê xwu reyna serê
estirîyanê beranê xwu ya bîya.“
Şarik Şiwûn reyna secadê xwu erzeno sêr awê royê Tîgrîsî û
nîyetê xwu sêr estirîyanê beranê xwu ya ano vûno: “Şarik Şiwûn,
estirî berûnî, Ellawû ekber!”
Secadê yi sêr awê royî ya vindeno, nêşino war.
03 Sibate 2021 Çarşeme 20:06
Bermekiyé
Ali Xaldî
Embazo Delal
Şiîre zafe weşa la ez tora çlko bîn wazeno. Mi yew deme ti faecebok de ti taqib kerxene mixabin yew mehlūk bi miseleté mi ez mecbur mendo mi facebok a xo qefelnaye.Aye ra tekeliya mi to de qut biye. Yew waştena mi esta.Ez wazen ti mesellaya Şarîk Şibo bi musadeyé Kek Roşanî Zazakî net de biweşané. Selamé mi né germî to ré.Ali Aksoy(Xaldî)
12 Tebaxe 2019 Dişeme 23:41