zazaki.net
23 Teşrîne 2017 Panşeme

Bedrîye Topaç / Nuştox

Meşo

17 Temmuze 2011 Yewşeme 16:59

Ez to ra musena,

Tengîye de rîyê xo asmên ra çarnayîşî.

Ez to ra musena,

Teynayîye de zafbîyayîşî.

Nika ti şona û bermena.

Bê, meşo, meberme.

Çimê mi to rê benê waye.

Ez to rê kemeran ra dinya virazena.

Ez to rê şilîye ra behrî virazena.

Ez to rê awa Munzurî ra asmênî virazena.

Bê, meşo, meberme.

To vatêne bê hêvî nêbena.

Hêvî huyayîşê to yo rind o.

Hêvî barkerdîşê bermeyê to yo.

Hêvî perê xalxaloke de ebi to bîyayîş o.

Bê, meşo, bê, mi zî berê.

Peşmerîyayîşê zerrîya min o peyîn,

Rîyê to de huyayîşo verên bo.

Bê, ti meşo,

Bê, pîya şîme…

No nuşte 1382 rey wanîyayo
No nuşte hema şîrove nêbîyo.