zazaki.net
20 Temmuze 2018 Îne
Girdîya Karakteran : 12 Punto 14 Punto 16 Punto 18 Punto
17 Hezîrane 2018 Yewşeme 12:52

PÎRIK MEHMED Û ELEDÎN ÇAWÎŞO ZALIM

Nûrî Keleş

Herbê Şêx Seîd Efendî de pîrikê mi Nîmet ca gêno nêgêno ma tam nêzanê la çîyo ke ma eşnawşit, vatên eskerê dewlete û eskerê Şêx Seîd Efendî leweyê zîyarê peyê dewê ma de kewenê şer. Cînîyê dewê ma zî eskeranê Şêx Seîd Efendî rê werd benê kozikanê şerî.

Binkewtiş û vilabîyayişê kurdan ra dima eskerê dewleta tirkan yenê dewan ra geyrenê, eke kam tewrê herbî bîyo se, tepîşenê benê. Mifreze yeno bawkalê mi Nîmetî zî tepîşeno beno.

O wext vanê dewanê Sîwanî ra Vilik û ê cayan de cergê darê xaçî ronîyaybî. Mesûlê cergê darê xaçî Eledîn Çawîşo zalimo zulimkar biyo. Mifrezeyê cendirman kamcîn dewij berdo verê Eledîn Çawîşî se, inê bêrehmê zalimî qet pîze pê nêveşnayo. Merdimê mintiqeyê ma darê xaçî de aliqnayê, kiştê, qetil kerdê…

Pîrikê mi Nîmetî zî tepîşenê benê teslîmê cergê Eledîn Çawîşî kenê. Yanî seba ke dar de bikerê û bikişê benê uca. Hinî se bîyo se, Eledîn Çawîşî pîrikê mi nêaliqneno, yi veradano. Pîrikê mi darê xaçî de aliqnayiş ra xelesîyeno û peyser ageyreno yeno dewi.

Çend extîyaran ma rê va, yanî mi datan ra eşnawit. Vatên Nîmetî yew teneke zerdî berdê dayê Eledîn Çawîşê zalimî, bi eno qayde gîraneyê xwu destê eyî ra xelesnayo.

Babîyê mi inê çî fekê dewijan ra eşnawitbî, ey zî eynî çî vatêne. Raştîya ci ma tam nêzanê. Êdî yew teneke zerdî dayê yan çend hebî dayê nêdayê, ma nêzanê. La herhal pîrikê mi nêeftarayo vajo mi zerdî dayê xwu xelisnayo.

Na xebere 615 rey wanîyaya
No nuşte hema şîrove nêbîyo.