zazaki.net
13 Teşrîne 2019 Çarşeme
Girdîya Karakteran : 12 Punto 14 Punto 16 Punto 18 Punto
15 Hezîrane 2019 Şeme 07:26

LUETÛN

Abdulah Narîn

Bira! Ti zûnî ez ça ra ya?

Dewê wevêr Luetûn ra ya

Rindê Luetûnî sê xela ya

En vatê mi xwu vîr a mek

 

Bira birêr tim benû sê paşt

Rarî xwu pê biratî bik raşt

Hûmê ma ra biratî waşt

En vatê mi xwu vîr a mek

 

Ena dew Lutfî na piyera

Neslê ma ûmêya yi ra

Ma bî vila, ma bî hîra

Pîrik Lutfî xwu vîr a mek

 

Ez zaf memleketû gêra

Hesrêtî dew nişina mi vîr a

Pê duestû dinya bik hîra

En vatê mi xwu vîr a mek

 

Qubê Şiyêxî tim bik ziyaret

Himmêtî yi ra biwaz medet

Holî merdimî bena cennet

En vatê mi xwu vîr a mek

 

Diyarbek id ma sin’et muisê

Sin’et id qene’et muisê

Hem xurbet id heyat muisê

En vatê mi xwu vîr a mek

 

Madrag, Tuyêrek Musyûn, Mûişek

Vilware, Mayalûn û Çuelek

Ti pê holî bênî mubarek

En vatê mi xwu vîr a mek

 

Dewicî ma merdimin î, delal î

Ûmê dew semêdî festivalî

Qic û extyarî bî sê havalî

En vatê mi xwu vîr a mek

 

Ma Hesibeg id gêrênî

Ziyarêtî Têpî ra viyerênî

Aqrebunî xwu ra nivierênî

Aqrabatî xwu vîr a mek

 

Lewê Buni d‘ Lewê Hoşî d‘

Dewê Pîrû, Warê Sayi d‘

Dêrd-kedêrî xwu îtya d‘ vayi d‘

Bî Qilî Qilyek xwu vîr a mek

 

Cebexçûr ra Topal Hesen

Qedayif Akko ra muisen

Her çî en westê ra persen

Topal Hesênî xwu vîr a mek

 

Ma tim virazên qedayif

Pê en sen’et ma bî ‘arif

Ti ‘arifî r‘ mekir te’rîf

Îlim-îrfûn xwu vîr a mek

 

Seîd Atun yo dyerbaz ib

Dyerbaz ib, hem guevendbaz ib

Ma zûnî her kes yi ra razî b‘

Seîd Altunî xwu vîr a mek

 

En Feqîr Alzek id rûenişt

Awê Alzek firr kerd şimit

Hem şimit hem îz pê xwu şit

Awê Alzek xwu vîr a mek


 

Na xebere 684 rey wanîyaya
No nuşte hema şîrove nêbîyo.