zazaki.net
23 Temmuze 2019 Sêşeme
Girdîya Karakteran : 12 Punto 14 Punto 16 Punto 18 Punto
25 Hezîrane 2019 Sêşeme 09:25

Ferhengê Çekuyanê Mewlidê Kirdî

Roşan Lezgîn

Miletanê bînan ewilî qamûsê ziwanê xwu amade kerdo hema îhtîyacî gore ferhengê ziwanê xwu û sewbîna ziwanan amade kerdo. Mi ena babete de verê cû zî çend rey fikrê xwu beyan kerdbi, ez tekrar kena, heme ferhengan ra ver, verê verkan, gereka qamûsê kirdî amade bibiyêne. Labelê ma ewilî çekuyê xwu bi têvernayişê çekuyanê ziwanê serdestî kod kerdî, yanî ma ziwanê xwu bi wasitaya ziwanê serdestî îzeh kerd! Coka neslê ma yê neweyî zafê çekuyanê ma xelet fam kenê û xelet şixulnenê, sedemê zafê xeletîyanê winasîyan kêmaneya qamûsê kirdî ra yo. Helbet amadekerdişê qamûsê ziwanêk karêko zaf meşaqetin û zehmet o, ci rê hem zanayişêko zêde û meharet hem zî tecrube û nefesêko hîra lazim o. Eger ma muqayese bikin, bi terzê têvernayişê çekuyanê di ziwanan amadekerdişê ferhengî, vera xebata amadekerdişê qamûsê ziwanêk de karêko zaf sivik o, coka hetanî ewro kesî teşebus nêkerd. Çiyo xirab, amadekerdişê ferhengê "tirkî-kirdkî" herinda xebata "qamûsê kirdkî" de ame îqamekerdiş. Yanî karo talî herinda karê eslî de îqame bi û şarê ma vano qey ferheng tenya eno qayde amade beno. La nêbeno! Gereka ma destê xwu bikin binê kerra û cayêk ra dest bi amadekerdişê qamûsê ziwanê xwu bikin.

Badê xebata davîst serran ya amadekerdişê Ferhengê Îdyomanê Kirdî (4503 îdyomî tede estê), mi par Ferhengê Termanê Edebîyatî (582 termî tede estê) zî bi terzê qamûsî temamen bi kirdkî amade kerd û sey dosyaya PDF înternet de weşana. Nika zî, Homayî kerd qismet, mi Ferhengê Çekuyanê Mewlidê Kirdî (1006 çekuyî tede estê) amade kerd û nika sey dosyaya PDF ez tiya de weşanena. Înşalah eleqedarî baş bala xwu bidê ser, bi dîqet tetkîk bikerê, eke rexne, krîtîk û pêşnîyazê înan bibê, wa binusnê, heta transkrîpsîyonê Mewlidê Kirdî reya diyine semedê metbea amade beno, ma zî xeletîyanê xwu rast bikin ke wa xebata ma bêqisûr çap bibo.

Seba dosyaya PDF bitikne>>>

Na xebere 610 rey wanîyaya
ŞÎROVEYÎ
mehmet_emen_1221@hotmail.com
Mehemed Emen
Destê şima tern bibê mamoste.
Homa qewet bido qelemê şima.
25 Hezîrane 2019 Sêşeme 09:50