zazaki.net
21 Temmuze 2019 Yewşeme
Girdîya Karakteran : 12 Punto 14 Punto 16 Punto 18 Punto
06 Nîsane 2019 Şeme 11:12

Dayê

Deza Sarî

 

Dayê, ez zona, emêg tu ma ser zaf

Nêw aşm û des ruec ma d’ çinîyeb însaf

Ruec biya ti nikota heton ig sêr sibay

Sarê ma bidecêyn gon tu piyer deceyn dayê

Ma nêşken hêq tu bid ma d’ çinnik xîlaf

 

Ma qic îb, tu ma kerdên zerrê qundax

Yo per ra kîyê b’, yo per ra ma, ax!...

Tu niwêşî xwu vîr a kerdên, derd ti teyna ma b’

Ma kotên bulkon, tu ma adir ra pawitên

Sêr sibay heton ig şond tu ma pawitên

 

Ti mayê kurdon a, ti nêçarê dîya

Rey biya ti vêyşon, rey biya ti mihtac

Waştê tu Homay ra him keynê him lac

Ma tu r’ zaf sipas kên him keynê him zî lac

 

Ma kot hot serron tu ma mûsna nimac

Ma xwu vîr a kerdêyn tu vatên şui desmac

Dayê ez se kirî qedêr ma kerd dûr

Ma ga ti tim bidîn awi rî, ti yo nûr

 

Tu ma pawitên se may û se pî

Gijîk tu yo siya ma piyer kerd sipî

Derd û dec tu ma bî keynê û lac tu

Tu ma kêrd gird, ma êyr her kês şî kêy xwu

Ma newi fom kerd ma g’ dî qîc xwu

 

Ma xwu ya pê onîyêy, şyû piyerê emir

Ez tersena ma xerîbê d’ piyerû bimir

Nî ti ma mird a vîn, nî z’ ma tu vînir

Eg yo waxt biyêwaxt id Ezraîl biyêr

Hêq xwu helal ik şit xwu yo sipîye ma r’ dayê

Ma ti zaf qarnaw ruec biya dayê

Hêq xwu helal ik, helalik dayê

Na xebere 538 rey wanîyaya
No nuşte hema şîrove nêbîyo.